INTERFOOD ASTANA 2026: 2 000-НАН АСТАМ АЗЫҚ-ТҮЛІК НАРЫҒЫНЫҢ МАМАНДАРЫ ЖӘНЕ ХАЛЫҚАРАЛЫҚ БИЗНЕСТІҢ ҚАЗАҚСТАНҒА ДЕГЕН АРТЫП КЕЛЕ ЖАТҚАН ҚЫЗЫҒУШЫЛЫҒЫ
2026 ЖЫЛҒЫ 13–15 МАМЫР АРАЛЫҒЫНДА АСТАНАДА 26-ШЫ ҚАЗАҚСТАНДЫҚ ХАЛЫҚАРАЛЫҚ «ТАМАҚ ӨНІМДЕРІ, СУСЫНДАР, ИНГРЕДИЕНТТЕР, ТАМАҚ ӨНЕРКӘСІБІНЕ АРНАЛҒАН ҚАПТАМА МЕН ЖАБДЫҚТАР» INTERFOOD ASTANA 2026 КӨРМЕСІ СӘТТІ ӨТТІ.
Көрме тағы да Қазақстан мен Орталық Азиядағы өндірушілерді, жабдықтар мен ингредиенттер жеткізушілерін, қайта өңдеу кәсіпорындарын, ритейл, дистрибьюторлар мен HoReCa өкілдерін біріктіретін негізгі кәсіби B2B алаңдарының бірі ретіндегі мәртебесін растады. Өндірісті жергіліктендіруге, азық-түлік өнімдерін қайта өңдеуді дамытуға және өңірдің экспорттық әлеуетін нығайтуға деген қызығушылықтың артуы аясында InterFood Astana халықаралық бизнес үшін Қазақстан және Орталық Азия елдерінің нарығына кірудегі маңызды нүктеге айналуда.
Көрменің үш күндік жұмысы барысында Қазақстаннан және шетелдерден келген 2 094 сала маман қатысты. Қатысушылар кәсіби аудиторияның жоғары деңгейін, іскерлік байланыстардың практикалық құндылығын және нарықтың азық-түлік өндірісін қайта өңдеу, қаптау, сақтау және автоматтандыруға арналған заманауи технологияларға деген қызығушылығының артып келе жатқанын атап өтті. Келушілердің пікірлері ұйымдастыру деңгейінің жоғарылығын және ұсынылған экспозицияның өзектілігін растады.
Биыл көрмеге Австрия, Беларусь, Вьетнам, Германия, Грузия, Қазақстан, Қытай, Малайзия, БАӘ, Польша, Ресей, Таиланд, Өзбекстан және Украинаны қоса алғанда 14 елден 61 компания қатысты. Халықаралық экспозицияны 35 шетелдік компания ұсынса, Қазақстаннан 26 кәсіпорын қатысты. Келушілердің ерекше назарын Беларусь Республикасының ұлттық тобы, сондай-ақ Ресей Федерациясының Воронеж, Орынбор және Смоленск облыстарының өңірлік ұжымдық стендтері аударды.
InterFood Astana 2026 көрмесінің басты ерекшеліктерінің бірі — Қазақстанды бизнес дамыту мен Орталық Азиядағы серіктестік желіні кеңейту үшін перспективалы бағыт ретінде қарастыратын көптеген жаңа халықаралық компаниялардың қатысуы болды. Көрменің ең жарқын дебютанттарының қатарында Австриядан ANDRITZ AG, БАӘ-ден AF Compressors Middle East FZE, Германиядан Aicon X-Ray GmbH, Өзбекстаннан Navruz International Corp, Таиландтан Pacific Fish Processing Co., Ltd., Малайзиядан Power Root, Қытайдан RichHot Spices, Польшадан TAREEQ AL-KAWTHE, Беларусьтен «Беласептика», Ресейден «Интеркап» және Қазақстан нарығында серіктестік қатынастарды дамытуға мүдделі басқа да көптеген компаниялар болды.
Экспозиция азық-түлік өндірісі мен қайта өңдеуден бастап қаптама шешімдеріне, сапаны бақылау жүйелеріне, ингредиенттерге, дәмдеуіштерге және автоматтандыру технологияларына дейінгі тамақ өнеркәсібінің кең ауқымды бағыттарын қамтыды. Кәсіби аудиторияның ерекше қызығушылығын азық-түлік өнімдерін қайта өңдеу, өндірістерді жаңғырту, кәсіпорындардың тиімділігін арттыру және экспортқа бағдарланған өндірісті дамыту саласындағы шешімдер тудырды. «Біз үшін көрме әрдайым кәсіби тұрғыдан пайдалы — мұнда саланы дамыту игілігі үшін қолдануға болатын жаңа өнімдермен, технологиялармен, ингредиенттермен және заманауи шешімдермен танысуға болады», - деп «Технология және стандарттау» кафедрасының профессоры Сауле Байтүкенова атап өтті.
Көрмеге қатысушылар сондай-ақ іскерлік байланыстардың жоғары сапасын және іс-шараның сатылымдар мен серіктестіктерді дамытудағы практикалық құндылығын атап өтті: «Біз өніммен танысуға келген соңғы тұтынушыларды да, интернет-дүкендер, сауда желілері және көтерме-бөлшек сауда бағытының өкілдері қатарындағы әлеуетті бизнес-серіктестерді де тарта алдық. Көрме барысында көптеген пайдалы байланыстар, жаңа таныстықтар мен жағымды кездесулер болды», - деп ПолиАрс Company директоры Олеся Юдинцева әсерімен бөлісті.
InterFood Astana 2026 көрмесінің маңызды бөлігі бизнес, мемлекеттік құрылымдар, салалық қауымдастықтар және халықаралық сарапшылар өкілдерін біріктірген мазмұнды іскерлік бағдарлама болды. Негізгі оқиғалардың бірі Қазақстанның ет және сүт саласын дамыту, өндірістерді жаңғырту, инвестициялар мен нарықтың экспорттық әлеуеті мәселелеріне арналған MEAT & DAIRY INDUSTRY FORUM болды. Стратегиялық сессиялардың серіктестері ретінде «Қазақстанның ет одағы» ЗТБ және «Қазақстанның сүт одағы» ЗТБ қатысты.
Талқылау аясында сала сарапшылары ет өнімдеріне деген сұраныстың тұрақты өсіп келе жатқанын және ел ішінде қайта өңдеуді одан әрі дамыту қажеттілігін атап өтті. «“Қазақстанның ет одағы” жаңа баға шокы әзірге болмайды деп есептейді, инфляция мен сұраныстың өсуіне қарамастан», — деп Одақтың Бас директоры Мақсұт Бақтыбаевтың БАҚ-қа берген пікірінде айтылды.
«Шикі сүт сапасы және Қазақстанның сүт саласының экономикасы: шикізат базасы мен жаңғыртудан бәсекеге қабілеттілік пен экспортқа дейін» атты панельдік сессия барысында сарапшылар шикізат сапасын арттыру, қайта өңдеудің заманауи технологияларын енгізу, өнімділікті арттыру және қазақстандық сүт өнімдерінің сыртқы нарықтардағы бәсекеге қабілеттілігін нығайту мәселелерін талқылады.
«Ақсай» нан-тоқаш комбинаты» ЖШС коммерция мәселелері жөніндегі бас директордың орынбасары Арман Нұрғожаевтың пікірінше, көрме ұйымдастырудың жоғары деңгейі мен кәсіби аудиторияның арқасында серіктестік қатынастарды дамыту және компанияның нарықтағы позициясын нығайту үшін маңызды құралға айналды: «Көрмеден алған әсеріміз өте жағымды. Іс-шара жоғары деңгейде ұйымдастырылған, ал келушілер мен әлеуетті клиенттердің саны біздің күткенімізді толық ақтады».
InterFood Astana 2026 көрмесінің өткізілуі халықаралық ынтымақтастықты дамытуға, азық-түлік өнімдерін қайта өңдеудің заманауи технологияларын ілгерілетуге және нарық қатысушылары арасындағы іскерлік байланыстарды нығайтуға маңызды үлес қосты.
Іс-шараға Астана қаласының әкімдігі, DAMU қоры, «Astana Tourism» туризмді дамыту орталығы» ЖШС, Visit Astana ресми қолдау көрсетті.
Іс-шараны қазақстандық Iteca көрме компаниясы және оның халықаралық серіктесі ICA Events компаниялар тобы бірлесіп ұйымдастырды.
