INTERFOOD ASTANA 2025: АСТАНАДА ТАҒАМ ӨНЕРКӘСІБІ КӨШБАСШЫЛАРЫНЫҢ МЕРЕЙТОЙЛЫҚ КЕЗДЕСУІ

ҚАЗАҚСТАН АСТАНАСЫНДАҒЫ ТАҒАМ ӨНЕРКӘСІБІНІҢ БАСТЫ ІС-ШАРАСЫНА БІР АЙДАН АЗ УАҚЫТ ҚАЛДЫ: 2025 ЖЫЛДЫҢ 28–30 МАМЫРЫ АРАЛЫҒЫНДА АСТАНАДАҒЫ «EXPO» ХАЛЫҚАРАЛЫҚ КӨРМЕ ОРТАЛЫҒЫНДА 25-ШІ МЕРЕЙТОЙЛЫҚ ҚАЗАҚСТАНДЫҚ ХАЛЫҚАРАЛЫҚ INTERFOOD ASTANA КӨРМЕСІ ӨТЕДІ. 

InterFood Astana — жыл сайын ондаған елден келген мамандарды, өндірушілерді, ритейлерлер мен жеткізушілерді біріктіретін азық-түлік саласындағы басты іс-шара. 25 жыл ішінде бұл көрме Орталық Азиядағы инновацияларды таныстыру, өткізу нарығын кеңейту және жаңа серіктестік байланыстар орнатуға арналған аса маңызды іскерлік алаңға айналды. 

InterFood Astana 2025 биыл да Қазақстан астанасындағы «Тамақ өнеркәсібі» тақырыбындағы жалғыз кәсіби салалық көрме ретіндегі мәртебесін тағы бір рет растайды. Биылғы жылы көрмеге Қазақстаннан, ТМД елдерінен, Еуропа мен Азиядан 80-нен астам компания қатысады. Экспозиция азық-түлік нарығының барлық сегменттерін қамтиды: шикізат пен ингредиенттерден бастап қаптама мен өнеркәсіптік жабдықтарға дейін. Келушілер Беларусь, Германия, Қытай, Ресей, Оңтүстік Корея компанияларының өзекті әзірлемелерімен танысып, Қырғыз Республикасынан алғаш рет ұлттық павильонмен қатысатын 20-дан астам өндірушінің бірегей өнімдерін тамашалай алады. 

Ұйымдастырушылар көрменің іскерлік бағдарламасына ерекше көңіл бөлді. Биыл ол InterFood Astana тарихындағы ең мазмұнды әрі тәжірибеге бағытталған бағдарламалардың бірі болмақ. Бағдарлама бизнес өкілдерін, салалық сарапшыларды, мемлекеттік құрылымдар мен ритейл саласы мамандарын біріктіріп, тағам және қайта өңдеу өнеркәсібін дамытудағы негізгі сын-қатерлер мен мүмкіндіктерді талқылауға мүмкіндік береді.   

28 мамыр күні бағдарлама «Қазақстанның азық-түлік және қайта өңдеу өнеркәсібін қарқынды дамыту» атты пленарлық сессиямен басталады. Бұл сессияда тұрақты даму, инвестициялар, мемлекеттің рөлі мен қаржыландыру құралдары сияқты тақырыптар қозғалады. Қатысушылар импортты алмастыру бағытын жаһандық сапа стандарттарымен қалай үйлестіруге болатынын, сондай-ақ ұлттық және халықаралық брендтер арасындағы тиімді синергияны қалай құру керектігін талқылайды. Мемлекеттік қолдау шаралары, жеңілдетілген несиелеудің жаңа мүмкіндіктері, экспорттық стратегиялар және халықаралық нарықтармен ынтымақтастық мәселелері қарастырылады. 

Іс-шараның практикалық бағытын тақырыптық воркшоптар, мастер-кластар және сараптамалық сессиялар айқындайды. Іскерлік бағдарламаға ритейл, ассортиментті басқару, сату және цифрлық технологиялар саласындағы мойындалған сарапшылар шақырылады. Олардың қатарында – ритейлдегі шығындардың алдын алу жөніндегі халықаралық кеңесші Игорь Чумарин, сату стратегияларын құру және персоналды оқыту бойынша 25 жылдан астам тәжірибесі бар Red Business Consulting компаниясының сарапшылары Анна Бакурская мен Елена Ривкина, сондай-ақ тағам өндірістерін цифрландыру мен жасанды интеллект негізіндегі маркетинг бойынша мамандар бар. Олардың баяндамалары қатысушылар үшін нақты тәжірибелік құндылық береді және азық-түлік саласындағы бизнес-процестерге жаңа көзқараспен қарауға көмектеседі.  

EXPERT TALKS аясында Игорь Чумарин зауыттан сөреге дейінгі кезеңде шығындарды азайту құралдарымен бөлісіп, тауар қозғалысының әр кезеңінде шығындарды қалай азайтуға болатынын түсіндіреді. 

28–30 мамыр аралығында өздерінің авторлық әдістемелері мен практикалық бизнес-кейстерін танымал салалық мамандар Анна Бакурская мен Елена Ривкина ұсынады: 

• Эксперт-сессия «Санаттық менеджерге арналған сатылымды арттыратын презентация»; 

• Бизнес-лекция «Сатылымды ұлғайту: дистрибьюторлармен жұмыс істеу стратегиясы»; 

• Воркшоп «Жасанды интеллект — тамақ өнімдерін маркетингте ROI-ды арттыру құралы ретінде»; 

• Мастер-класс «Шағын бренд алпауыттарды қалай басып озып, өзіне адал аудитория құра алады?» 

Әрбір баяндама өндірушілер, дистрибьюторлар және сауда желілері тап болатын нақты міндеттер мен сын-қатерлерге бағытталған. Қатысушылар теориялық біліммен қатар, көрмеден кейін бірден қолдануға болатын нақты құралдарды да алады. Тақырыптар өзара әрекеттестіктің бүкіл циклын қамтиды: категориялық менеджерлерге арналған тиімді презентацияларды әзірлеуден бастап, сатылымдарды кеңейту мен маркетингтік тиімділікті арттыруға дейін. 

Кәсіби аудитория үшін ерекше қызығушылық тудыратын тақырып — «ЖИ және IIoT технологияларының көмегімен тамақ өнеркәсібі кәсіпорнының цифрлық егізін жасау» презентациясы болады. Спикерлер жасанды интеллект пен заттар интернеті (IIoT) технологияларының көмегімен өндірістік процестің виртуалды көшірмесін жасап, негізгі параметрлерді нақты уақытта бақылау, істен шығу ықтималын болжау және ресурстарды оңтайландыру тәсілдерін таныстырады. Бұл тақырып цифрлық трансформацияға және тиімділікті арттыруға ұмтылатын, бәсекелестік пен нарық тұрақсыздығы жағдайында жұмыс істейтін кәсіпорындар үшін өзекті. 

Іскерлік бағдарлама азық-түлік пен ритейл саласындағы жаңа әріптестік пен өзекті шешімдердің қуатты катализаторы болады. InterFood Astana 2025 — бұл жай ғана көрме емес, бұл — идеялар, мүмкіндіктер мен дамуға арналған кеңістік. 

Көрмені ұйымдастырушы — Қазақстандық ITECA көрме компаниясы және оның халықаралық серіктесі ICA Events компаниялар тобы. 

InterFood Astana 2025 көрмесі ҚР Ауыл шаруашылығы министрлігінің, Астана қаласы әкімдігінің және Қазақ тағамтану академиясының қолдауымен өтеді. 

Іс-шара туралы толық ақпарат пен қатысушылар тізімі www.interfoodastana.kz ресми сайтында қолжетімді.