INTERFOOD ASTANA 2025: 25-ШІ МЕРЕЙТОЙЛЫҚ КӨРМЕ 10 ЕЛДІҢ ТАМАҚ ӨНЕРКӘСІБІ САЛАСЫНЫҢ КӨШБАСШЫЛАРЫН БІРІКТІРДІ
АСТАНА, 2025 ЖЫЛҒЫ 28 МАМЫР – ХАЛЫҚАРАЛЫҚ «EXPO» КӨРМЕ ОРТАЛЫҒЫНДА – 25-ЖЫЛДЫҚ МЕРЕЙТОЙЫНА АРНАЛҒАН ҚАЗАҚСТАННЫҢ ХАЛЫҚАРАЛЫҚ АЗЫҚ-ТҮЛІК ӨНЕРКӘСІБІ КӨРМЕСІ ӨЗ ЖҰМЫСЫН БАСТАДЫ. БҰЛ ШАРА ЕЛОРДАДАҒЫ АЗЫҚ-ТҮЛІК ИНДУСТРИЯСЫНЫҢ БАСТЫ ОҚИҒАСЫНА АЙНАЛЫП, САЛАНЫҢ ЕҢ КӨП КҮТКЕН ІС-ШАРАЛАРЫНЫҢ БІРІ БОЛДЫ.
Көрмеге Қазақстан, Беларусь, Болгария, Германия, Қытай, Қырғызстан, Молдова, Ресей, Украина және Оңтүстік Корея секілді 10 елден 81 компания қатысты. Көрменің географиясы отандық және шетелдік қатысушыларды қамтыды: 38 компания халықаралық нарықты, ал 43 компания Қазақстанды таныстырды. Қырғыз Республикасының ұлттық стенді ерекше назар аудартты – онда шамамен 20 өндірушінің өнімдері ұсынылды. Қуантатыны — көрмеге жыл сайын қатысып келе жатқан — дәл осы жабдық жеткізуші компаниялар. Олар біздің алаңды жоғары бағалап, өз өнімдерін көп жылдан бері тұрақты түрде ұсынып келеді. Олардың қатарында — Германиялық Kronen жабдық жеткізушісі, сондай-ақ Еуропа, Түркия және Ираннан нан-тоқаш және кондитерлік жабдықтардың дистрибьюторы — Родалс компаниясы бар. Биылғы жылы көрме аясында Ресейлік СКЕЙЛ ЭНТЕРПРАЙЗ компаниясы алғаш рет қатысады. Компания — Оңтүстік Кореядағы серіктестерінің атынан азық-түлік сапасын бақылауға арналған жабдықтарды жеткізуші. Олар автоматтандырылған рентген жабдықтарын әзірлеу және өндіру технологияларын, сондай-ақ азық-түлік өндірісінде сапаны және қауіпсіздікті бақылау жүйелерін таныстырады.Биыл көрмеде Ресейлік СКЕЙЛ ЭНТЕРПРАЙЗ компаниясы алғаш рет қатысып отыр. Бұл – азық-түлік өнімдерінің сапасын бақылау жабдықтарын жеткізуші, ол өздерінің Оңтүстік Кореялық серіктестерін таныстырды. Олар автоматты рентген жабдықтарын жасау және өндіру технологияларын, тағам өндірісінде сапа мен қауіпсіздікті бақылау жүйелерін көрсетті.
Экспозиция азық-түлік нарығының бүкіл тізбегін қамтиды – шикізат пен ингредиенттерден бастап, қаптама, логистика және жоғары технологиялық жабдықтарға дейін. Келушілердің ерекше назарын жаңа әзірлемелердің таныстырылымдары, өнімдер дегустациясы, аспаздық мастер-класстар мен азық-түлік жабдықтарының жұмысын көрсету сияқты іс-шаралар аударуда.
Көрме 25 жыл ішінде тәжірибе алмасу мен жаңа өнімдер таныстырылымының шынайы алаңына айналды. Бұған іскерлік бағдарлама айқын дәлел бола алады. Оның аясында PepsiCo трансұлттық компаниясының Қазақстандағы жаңа зауытының таныстырылымы, сондай-ақ Әл-Фараби атындағы ҚазҰУ негізінде жасалған, жасанды интеллектке негізделген азық-түлік өнеркәсібі кәсіпорнының цифрлық егізін құру жөніндегі қазақстандық стартап таныстырылды. Бағдарлама жұмысы «Қазақстанның тамақ және қайта өңдеу өнеркәсібінің жедел дамуы: инвестициялар, тұрақты даму және жаңа қаржыландыру көздері» тақырыбындағы Пленарлық сессиямен басталды. Диалогқа қатысқан спикерлер: Шаймерден Ахметов – ҚР АШМ Агроазық-түлік нарықтары және ауыл шаруашылығы өнімдерін қайта өңдеу департаменті директорының орынбасары, Светлана Назарюк – «Даму» Кәсіпкерлікті дамыту қоры» АҚ Астана қаласы бойынша өңірлік филиалының директоры, Константин Федорчук – PepsiCo Беларусь, Кавказ және Орталық Азия бойынша жеткізу тізбегі директоры, Санжар Кәрімбеков – QazAgroFood компаниясының негізін қалаушы. Қатысушылар қайта өңдеу саласын дамытудағы өзекті мәселелерді – мемлекеттің рөлі мен шағын бизнесті қолдаудан бастап ауылдық аумақтардың тұрақты дамуы мен жаһандық брендтермен ынтымақтастыққа дейін талқылады.
Ұлттық компанияларды қолдау және іскерлік байланыстар орнату мақсатында InterFood Astana 2025 көрмесіне Қырғызстан, Канада және Венгрия елдерінің дипломатиялық миссиялары мен халықаралық іскерлік қауымдастықтарының өкілдері қатысты.
Көрмемен қатар ауқымды іскерлік бағдарлама өз жұмысын бастады. Алғашқы күннің контентіне салалық сарапшылармен эксперттік сессиялар енді. Игорь Чумарин – бөлшек сауда саласындағы шығындарды азайту және болдырмау бойынша халықаралық деңгейде танылған сарапшы – «Зауыттан дүкен сөресіне дейін – шығынсыз: жеткізу тізбегіндегі шығындарды болдырмау әдістері» тақырыбында EXPERT TALKS өткізді. Сала сарапшылары Анна Бакурская мен Елена Ривкина «Санаттық менеджерге арналған сатылымды арттыратын презентация» тақырыбында эксперт-сессия жүргізді. Әрбір сессия қатысушыларға нақты практикалық кейстер мен аналитикалық болжамдарды ұсынып, өзгеріп жатқан нарық жағдайында тиімді стратегияларды құруға арналған пайдалы құралдармен қамтамасыз етті.
Ертең, 29 мамыр күні, InterFood Astana 2025 көрмесінің іскерлік бағдарламасы бірқатар маңызды іс-шаралармен жалғасады. Кәсіпқойларды «Сатылымды ұлғайту: дистрибьюторлармен жұмыс істеу стратегиясы» тақырыбындағы бизнес-лекция, «ЖИ және IIoT технологияларының көмегімен тамақ өнеркәсібі кәсіпорнының цифрлық егізін жасау» презентациясы және «Жасанды интеллект — тамақ өнімдерін маркетингте ROI-ды арттыру құралы ретінде» атты воркшоп күтеді. Спикерлер өз тәжірибесімен, тиімді құралдармен және саланың озық шешімдерін енгізудегі нақты кейстерімен бөліседі. 30 мамырда іскерлік бағдарлама «Шағын бренд алпауыттарды қалай басып озып, өзіне адал аудитория құра алады?» атты мастер-классымен аяқталады.
InterFood Astana 2025 — азық-түлік және қайта өңдеу өнеркәсібі өкілдері үшін үздік шешімдерді көрсету, іскерлік байланыстарды кеңейту және тәжірибе алмасудың негізгі кәсіби алаңы екенін сенімді түрде дәлелдеп отыр.
Көрменің ұйымдастырушылары — Қазақстандық Iteca көрме компаниясы және оның халықаралық серіктесі — ICA Events компаниялар тобы.
Іс-шара дәстүрлі түрде ҚР Ауыл шаруашылығы министрлігінің, Астана қаласы әкімдігінің және Қазақ тағамтану академиясының қолдауымен өтеді.
Көрме соңғы күнін қоса алғанда, 30 мамырға дейін ашық болады. Азық-түлік саласының мамандарын іс-шараның сайтында (www.interfoodastana.kz) алдын ала тіркеліп келуге шақырамыз.
